NASA коинот агентлиги хавфсизлик тизимини синовдан ўтказиш учун фазода коинот кемасини ёқиб юбормоқчи. Бу ҳақда Independent нашри хабар берди. Тажриба Cygnus автоматик юк кемаси бортида ўтказилади.

Кема Халқаро коинот станциясига навбатдаги юкни етказгач, ундан хавфсиз масофага узоқлашганда унинг бортида пахтадан тайёрланган композит материал ва шишапластикдан иборат қути ёқиб юборилади. Шу тариқа тадқиқотчилар очиқ коинотда ёнғин қандай кечишини билишмоқчи.

Бундай тажрибалар аввал ҳам кичик кўламда ўтказилган. Авваллари ёнғин майдони бир неча сантиметрдан катта бўлмаган.

Олимларни аланга катталиги ва унинг тарқалиш тезлиги қизиқтирмоқда. Махсус датчиклар реал вақтда кислород, карбонат ангидрид ва ҳарорат ҳақида маълумотларни йиғади. Бу маълумотлар фазогирлар учун ҳимоя воситаларини яратишда ёрдам беради.