Россия президенти Владимир Путин Сурияга ҳарбий ёрдам кўрсатилиши, хусусан разведка маълумотлари етказиш давом этишини маълум қилди.

Бу ҳақда у Суриядаги топшириқни адо этиб қайтган Ҳаво-космик кучларига мукофотлар топшириш маросимида сўзлаган.

Унинг айтишича, Суриянинг қонуний ҳукуматини қўллаб-қувватлаш ўз ичига молиявий ёрдамлар кўрсатиш, ҳарбий техника ва қуроллар билан таъминлаш ҳамда суриялик ҳарбийларга таълим бериш кўринишида бўлади.

"Бу Сурия ҳарбийларига маълумотлар етказиб бериш давом этишни назарда тутади", дейди Путин ва ҲҲК Сурияда ўз вазифасини етарли даражада бажарганини қайд этади.

Бундан олдинроқ, Путин Башар Асад Россия ҳарбий самолётларининг олиб кетилишини қўллаб-қувватлагани ҳақида айтганди.

Эслатиб ўтамиз, 14 март куни Путин Россия қўшинларини Суриядан олиб чиқишни бошлашга буйруқ берган эди.