Россия 28 йилдан кўп бўлмаган вақтга етадиган исботланган нефть захираларига эга, деб айтди Россия табиий захиралар ва экология вазири Сергей Донской “Российская газета” нашрига берган интервьюсида.

“Россия яна қанча вақт нефть олиши мумкин, у яна қанчага етади?” деган саволга жавобан Донской баъзи ҳисоб-китобларни келтириб ўтди: ер қаъридан олиш мумкин бўлган нефть захиралари 29 млрд тоннага яқинни ташкил қилади, 2015 йилда “хом” нефть (газ конденсати бўлмаган) қазиб олиш 505 млн тоннага яқинни ташкил қилган.

“Агар бу рақамларга асосланиб ҳисобланса, нефтнинг маълум захиралари 57 йилга етади”, деб айтди вазир.

Бироқ унинг таъкидлашича, экспертларнинг баҳолашларича, исботланган захиралар (қаерда ва қандай қилиб олиш мумкинлиги аниқ бўлган нефть) ҳажми икки марта камроқни, яъни 14 млрд тоннани ташкил қилади. Ундай ҳолда нефть захираси 28 йилгагина етади.

Донской умумий қазиб олиш ҳажмида қийин олинувчи нефть захиралари улуши ортаётганини айтди.

Қийин олинувчи нефть захиралари ва қитъа шельфининг захира салоҳияти ҳисобга олинадиган бўлса, захиралар билан таъминланганлик анчагина кўпроқдир, деб овутмоқда вазирлик матбуот хизмати.