Туркия пойтахти Анқара шаҳрида 18 март куни рўй берган отишмалар 4 кишининг ҳалок бўлиши билан якунланди. Бу ҳақда Рейтер агентлиги хабар тарқатган.

Ҳукумат вакилларининг маълумотига кўра, бу ҳодисалар жангарилар иштирокисиз содир бўлган.

Бундан олдинроқ, Hurriyet нашри Анқарадаги Дикмен мавзесида полициячилардан бири ўзининг 2 нафар ҳамкасбини отиб ўлдиргани ҳақида хабар қилганди. Унинг ҳаракати сабаби аниқлаштирилмаган. Ҳукумат вакиллари ушбу ходим жангариларга алоқадор эмаслигини маълум қилишган.

Шунингдек, шаҳарнинг бошқа ҳудудида яна бир шахс ўз акасини ва унинг рафиқасини отиб ташлаган.

Шу куни, мамлакат жануби-шарқидаги автомобилга ўрнатилган портловчи қурилма полициячилар томонидан зарарсизлантирилган.