Февраль ойи охирида Жанубий Кореянинг Samsung электроника ишлаб чиқарувчиси флагман линейкасининг янги смартфонларини тақдим этганди. Табиийки, янгиликни ўша заҳоти iPhone билан солиштиришни бошлашди.

Албатта, бу Apple компаниясининг ўтган йилги маҳсулоти. Анъана бўйича янги версия куз ойларида намойиш этилади.

Шунинг учун солиштириш мусобақаси Galaxy S7/Galaxy S7 Edge ҳамда iPhone 6S/iPhone 6S Plus ўртасида бўлиб ўтади. PhoneBuff фойдаланувчиси Youtube’да кореялик Galaxy S7 Edge ва америкалик iPhone 6S Plus телефонларининг иккаласида ҳам мавжуд ўхшаш функцияларнинг ишлаш тезлигини таққослади.

Энг замонавий гаджетларнинг мусобақа натижаларини видео орқали кўриш мумкин. Баҳолаш учун секундомер ҳам ёқиб қўйилган.