Россия ҳарбий-коинот кучлари Сурияда ИШИД ва “Жибҳад ан-Нусра” террорчилик гуруҳлари жангариларига қарши зарбалар беришни давом эттирмоқда, деб Россия қуролли кучлари бош штаби бош тезкор бошқармаси бошлиғи Сергей Рудской баёнотини келтирмоқда РИА “Новости” ахборот агентлиги.

“Шуни таъкидламоқчиманки, Россия ҳарбий-коинот кучлари Сурияда ИШИД ва “Жибҳад ан-Нусра” жангариларига қарши зарбалар беришни давом эттирмоқда”, деб айтди Рудской.

Рудской Россия самолётлари ҳар куни Пальмира шаҳрини озод қилинишини қўллаб-қувватлаш учун жангариларга 25 тага яқин зарба бераётганини таъкидлади.

“Охирги кунлар Россия ҲКК авиацияси кўмагида Сурия ҳукумат қўшинлари ва ватанпарварлик кучлари томонидан Пальмира шаҳрини озод қилиш бўйича катта кўламли операция ўтказилмоқда. Ўртача, кунига Россия самолётлари 20-25 та жанговар парвоз амалга оширмоқда”, деб қўшимча қилди Рудской.