2016 йилнинг 18-20 март кунлари Остона шаҳри (Қозоғистон)да XXXI ёзги Олимпиада ўйинларига саралаш доирасидаги қитъавий турнирида иштирок этадиган Ўзбекистон терма жамоасининг таркиби эълон қилинди. Жароҳат туфайли терма жамоанинг етакчиларидан бири Феруз Тўхтаев (ўз вазн тоифасида жаҳон чемпиони) ўрнини Елмурат Тасмурадов (59 кг) эгаллаган.

Шунингдек, Нурбек Холмухамматов (66 кг) ва Жаҳонгир Турдиев (98 кг) ўрнига Арам Варданян ҳамда Суҳроб Фаттоев иштирок этади.

Бутунжаҳон кураш уюшмаси (UWW) 2016 йили Бразилиянинг Рио-де-Жанейро шаҳрида ўтказиладиган XXXI ёзги Олимпиада ўйинлари учун эълон қилган саралаш тизимига кўра, йўлланмалар қитъавий турнирлар финалида иштирок этган спортчиларга берилади.

Юнон-рим кураши: Елмурат Тасмурадов (59 кг), Арам Варданян (66 кг), Дилшод Турдиев (75 кг), Сухроб Фаттоев (98 кг), Мўминжон Абдуллаев (130 кг).
Эркин усул: Нодиржон Сафаров (57 кг), Рашид Қурбонов (74 кг), Умиджон Исманов (86 кг), Магомед Ибрагимов (97 кг), Ҳасанбой Раҳимов (125 кг), Давлатбека Яхшимуратова (48 кг), Зуҳра Мустанова (53 кг), Саломат Кўчимова (58 кг), Нилуфар Гадоева (63 кг), Бахтигул Болтаниёзова (69 кг), Лалахан Оринбаева (75 кг).

Маълумот учун, айни вақтга келиб 2 нафар ўзбекистонлик спортчи Ихтиёр Наврўзов (эркин кураш, 65 кг) ва Рустам Ассакалов (юнон-рим кураши, 85 кг) йўлланмаларга эга бўлишган.