«Челси» жамоаси бош мураббий Гуус Ҳиддинк Диего Костанинг хулқидаги муаммалар ҳақидаги фикрларга муносабат билдирди.

«Албатта, Костанинг дисквалификацияси бизни хурсанд қилгани йўқ. Балки, унга яна бир ўйин қўшиб беришар. Лекин у футбол ўйнашни истамоқда ва ўзининг ўйинлардан четлатилганидан қаттиқ ранжиган.

Менга туюладики, унинг жиғига тегувчилар ўзларига тилаб олишади. Яъни уларга Костанинг «бўсаси» кераклиги учун шундай ишларни амалга оширишади. Бэрри ҳам ўша ўйин вақтида ўз мақсадига эришди. Балки, биз Костадан ўйинда қандай фойдаланиш бўйича яна изланишимиз керакдир.

Мен у билан ҳиссиётларни бошқара олиш ва майдонга гол уриш учун тушиш ҳақида кўп гаплашдик. Унинг ўйинлари аслида бизни хурсанд қилади.

Лекин унга нисбатан иғво ҳаракатлари амалга оширилишидан сақланиш қийин, бу деярли имконсиз. Бу ерда гап характер ва темперамент ҳақида. У жуда жўшқин футболчи.

Агар у ўз муаммолари устида ишлашда давом этса ва баъзи қилиқларини ўтмишда қолдирса, биз вазият яхшиланишига умид қилсак бўлади», – дейди Ҳиддинк.

"Челси" Англия кубогини тарк этди, Диего Коста рақибни тишлагани учун майдондан четлатилди

Гуус Ҳиддинк: "Эвертон" футболчилари бутун ўйин давомида Костага босим ўтказишди

Гуус Ҳиддинк: «Балки Коста билан бирга «Ғазабни бошқариш» фильмини кўрармиз»