Франция президенти Франсуа Олланд Париждаги терактларга алоқадор бўлганлар аввал ўйлангандан кўпроқ эканлигини айтди, деб хабар бермоқда Reuters ахборот агентлиги.

“Биз бу ҳужумни ташкил қилган ва унда иштирок этган барча жиноятчиларни ушлашимиз керак. Улар биз аввал ўйлагандан кўпроқ бўлиб чиқди”, деб айтди Олланд.

18 мартда Брюсселда Париждаги терактларга алоқадорликда гумонланувчиларни қўлга олиш бўйича ўтказилган махсус операцияда 5 нафар гумонланувчи, жумладан бош гумонланувчи Салоҳ Абдусалом қўлга олинди.

Аввалроқ Франция яқин орада Абдусаломнинг экстрадиция қилинишини сўраши айтилганди.