Ўзбекистонда пластик карталар билан операциялар амалга ошириш имкониятлари янада кенгайтирилади.

"Ўзбекистонда иш ҳақи ва унга тенглаштирилган тўловлар (пенсиялар, нафақалар, мукофотлар)ни нақдсиз кўринишда беришга ўтишни давом эттириш ҳисобидан, аҳолининг банк пластик карталаридан фойдаланишини янада кенгайтириш режалаштирилмоқда", дейилади UzDaily хабарида.

Ягона интерактив давлат хизматлари порталида Вазирлар Маҳкамаси ташаббуси билан ишлаб чиқилган лойиҳа жойлаштирилган.

Ҳужжатга кўра, пластик карта эгаларини ўз иш ҳақи ва бошқа тўловларини картага ўтказишга рағбатлантириш бўйича чора-тадбирларни ишлаб чиқиш белгиланган.

Назорат-касса машиналари чеклари эгалари ўртасида совринли ўйинлар ўтказиш ҳамда тижорат банклари томонидан совринлар топшириш шундай чоралардан бири бўлиши мумкин.

Назорат касса машиналари (НКМ) терминаллар билан интеграцияланади.

Чакана савдо нуқталари фақат шундай типдаги касса аппаратлар олиши керак бўлади.