Ростов-Донда Boeing йўловчи самолёти фалокатга учради, деб хабар бермоқда Ростов вилоятининг шошилинич хизматларидаги манбага иқтибос келтирган ҳолда ТАСС ахборот агентлиги. 

“Дастлабки маълумотларга кўра, самолёт қўниш пайтида қулаган”, деб айтди агентлик суҳбатдоши. 

“Интерфакс” агентлиги манбаси самолёт “қўнишга такроран уринаётганда фалокатга учраган” деб айтган.

“Самолёт бортида 100 дан кўпроқ йўловчи бўлган бўлиши мумкин. Самолёт қулагандан кейин кучли ёнғин чиққан. Тирик қолганлар ҳақида маълумот йўқ”, деб айтди манба.

РИА “Новости” ахборот агентлиги манбаси маълумотларига кўра, Дубайдан Ростов-Донга келаётган самолёт кўриш даражаси ёмон бўлган шароитда Ростов-Дон аэропорт учиш-қўниш полосасидан чапроқда қулаган.

Айни вақтда бошқа тафсилотлар аниқлаштирилмоқда.