Пойтахтимизда “Миллатлараро тотувлик – барқарорлик омили” мавзуида ўтказилган тадбирда шулар ҳақида сўз борди. Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита раиси О.Юсупов, Республика Байналмилал маданият маркази директори Н.Муҳаммадиев, Ўзбекистон мусулмонлари идораси раиси, муфтий У.Алимов, Тошкент ва Ўзбекистон митрополити, Ўрта Осиё митрополит округи раҳбари Викентий ва бошқалар Президентимиз Ислом Каримов раҳнамолигида мамлакатимизда миллатлараро тотувлик, бағрикенглик муҳити қарор топгани ва бу тараққиётимизда муҳим аҳамият касб этаётганини таъкидлади.

Мамлакатимизда 130 дан ортиқ миллат вакиллари аҳил-иноқ яшаб, жамият ҳаётини равнақ топтириш йўлида самарали меҳнат қилаётир. Қарийб 140 миллий-маданий марказ фаолият кўрсатмоқда.

Тадбирда Ўзбекистондаги миллатлараро аҳиллик, дўстлик ва бағрикенглик муҳити инсонга энг олий қадрият деб қараш, ёш авлодни миллий ва умумбашарий қадриятларга ҳурмат руҳида тарбиялаш, Ватанимизнинг жаҳон ҳамжамиятидаги нуфузини янада юксалтиришда муҳим омил бўлаётгани таъкидланди. Турли тилларда куйланган қўшиқлар йиғилганларга байрамона кайфият улашди.

Тадбир доирасида миллий-маданий марказлар томонидан миллатлараро тотувлик муҳитини акс эттирган босма нашрлар кўргазмаси ташкил этилди.