Икки мингга яқин муҳожир Италиянинг жанубий қирғоқларида, Сицилия бўғозида қутқариб қолинди. ANSA агентлигининг маълум қилишича, улар яқин соатларда Италиянинг турли портларига олиб борилган.

Италия ҳукуматининг маълумотларига кўра, йил бошидан бери мамлакат қирғоқларига 11 минг африкалик муҳожир келиб тушган. Мамлакат ИИВнинг тасдиқлашича, бу ўтган йилнинг шу даврига нисбатан тенг миқдордаги кўрсаткичдир.

Бундан ташқари, расмий Рим ЕИ ва Туркия ўртасида ноқонуний муҳожирлар масаласидаги келишувдан хавотирда эканлигини, вазият таранглашиб турган Ливиядан келаётган муҳожирлар Италия томон оқим ҳосил қилишганини айтиб ўтган.