LG компаниясининг янги маҳсулоти LG G5 жаҳон бозорларига жорий йилнинг 31 мартидан қўйила бошлайди. Уни 689 доллар қийматида сотиб олиш мумкин. Маълум бўлишича, мазкур нарх ҳозирда фақат америкалик фойдаланувчилар учун мўлжалланган бўлиб, унинг бошқа мамлакатларда сотилувчи нархи ҳали белгиланмаган. Ўзбекистон учун қандай нарх ўрнатилиши ҳақидаги маълумот мавжуд эмас.
Аввалроқ, LG G5 смартфонининг техник ҳусусиятлари сайтимиз томонидан эълон қилинган эди. Эслатиб ўтишимиз лозимки, янги смартфон 5,3 дюймли экран ва Qualcomm Snapdragon 820 янги авлод процессори билан мақтанса бўлади.
Фойдаланувчилар томонидан берилган вазифаларни унга 4 Гб оператив хотира ёрдам беради. Шунингдек, унда 32 Гб доимий хотира бўлиб, камераси 4K сифатидаги видеоларни тасвирга олади.