Дания собиқ бош вазири Анкер Йоргенсен 93 ёшида оламдан ўтди, деб хабар бермоқда Associated Press.

Йоргенсен Данияда иқтисодий муаммолар ва сиёсий беқарорлик даврларида — 1972-1973 ҳамда 1975-1982 йилларда ҳукуматни бошқарган. У солиқларни ошириш ва харажатни қисқартириш сиёсати омадсиз бўлгач, истеъфо беришга мажбур бўлади.

Собиқ бош вазирнинг вафоти ҳақида мамлакатнинг социал-демократик партияси хабар берган.

Ўлимнинг аниқ соати ва сабаблари кўрсатилмаган.