Лос-Анжелесдаги Голливуд тепаликларидаги Hollywood ёзуви ёнида одамнинг бош суяги  топилгандан кейин боғнинг бир қисми вақтинчалик ёпиб қўйилди, деб хабар бермоқда CBS News телеканали. 

Аввал маълум қилингандек, суякни икки сайёҳ топиб олган. Тахмин қилинишича, суякнинг ёши бир неча йилни ташкил қилади.

Полиция Бронсон каньонига сайёҳлар одам суяклари топишгани ҳақида хабар олгандан кейин етиб келган. Воқеа жойида коронер ва қотилликларни тергов қилиш бўлими мутахассислари иш олиб боришган.

Таъкидланишича, 2012 йилда ҳам бу ерда одам суяклари топилгандан кейин қотилликда гумон қилинган шахс ҳибсга олинганди.