Дунёнинг айни вақтдаги энг яхши футболчиси Лионель Месси Испания чемпионатининг 30-турида “Барселона” ва “Вильярреал” ўртасидаги учрашувда рақиб дарвозасига кучли зарба йўллади, бироқ зарба дарвозадан ўтиб кетиб, трибунада ўтирган бир қизнинг юзига келиб тегди.   

Le Figaro нашрининг маълум қилишича, аргентиналик ҳужумчининг зарбасидан кейин қизга шифокорлар ёрдами керак бўлган. Мессининг зарбаси шунчалик кучли бўлганки, қиз ўз ўрнини тарк этаётганда ҳушидан кетиб қолган.

Учрашув 2:2 ҳисобидаги дуранг натижа билан якунланди. Охирги 12 учрашувдан бери ғалаба қозониб келаётган каталонияликлар ўзларининг мағлубиятсиз серияларини тўхтатишди. Бу серия 23 учрашув давом этди.