Россиянинг Мурманск вилоятида яшовчи фуқаро “Севриба” шифохонасида бир кун давомида ўлик билан бир палатага қолганидан шикоят қилди. Бу ҳақда FlashNord хабар бермоқда.

"У шифохонада ётган бўлган. Икки соатга чиқиб кетиб, қайтиб келгач эса қўшни каравотда ўлик ётганлигининг гувоҳи бўлган", — деди беморнинг қариндоши. Бемор хонадан ўликни олиб чиқиб кетишларини сўраган, аммо ҳамшира шифохонанинг моргида жой қолмаганлигини, бир кунча у шу ерда қолишлигини айтган.

Шифохонада бу хабарни тасдиқлашди. Аммо гап бир сутка ҳақида эмас, аксинча бир неча соат ҳақида бораётганлигини тасдиқлашди. Шаҳар маъмурияти ушбу вазият юзасидан текширув ишларини бошлаб юборишган.