АҚШнинг General Motors компаниясининг Жанубий Кореядаги фирмаси GM Korea фирмаси компания томонидан ишлаб чиқарилган автомобилларда двигателни ўт олдирувчи тугмачалардаги носозликни бартараф этиш учун 66169 та автомобилни чақириб олади. Бу ҳақда “Рёнхап” агентлиги маълум қилмоқда.

Олиб борилган тадқиқотлар шуни кўрсатдики, двигателни ўт олдирувчи тугмача, биринчи марта фойдалангандан сўнг, ишга яроқсиз ҳолатга келиб қолади. Ушбу носозлик автомобиль ҳаракати жараёнида двигателни тўхтаб қолишига сабаб бўлади.

Гап 2010 йилнинг 23 декабрида ва 2016 йилнинг 9 мартида чиқарилган Оrlando модели устида бормоқда. GM Korea автомобиллардаги бу носозликни жорий йилнинг июнь ойида таъмирлаши кутилмоқда.