Нефть экспорт қилувчи давлатлар ташкилоти (ОПЕК) Саудия Арабистони бошчилигида нефть қазиб олиш ҳажмини музлатиш бўйича келишувга Эроннинг розилигисиз ҳам бориши мумкин. Бу ҳақда Financial Times нашрига ОПЕКка кирувчи давлатлардан бирининг вакили маълум қилди.

“Бир қатор нефть қазиб олувчи давлатлар нефть қазиб олишни музлатишга тайёр, Эрондан тобе бўлишнинг нима кераги бор?”, деб айтди ОПЕК вакили.

Бундан ташқари, нашрнинг ОПЕКдаги манбасининг таъкидлашича, нефть қазиб олишни музлатиш бўйича музокараларда Россия “етакчи роль” ўйнамоқда. Манбанинг айтишича, нефть қазиб олишни музлатиш бўйича музокаралар ортида Саудия Арабистони ва Россия ўз муносабатларини анча яхшилаб олди. Манбанинг таъкидлашича, нефть бозоридаги жорий нарх-наво бундай музокараларнинг бошланишига асосий сабаб бўлди, бироқ нефть ҳажми борасида ҳозирча аниқлик йўқ.

“Биз давлатлар бўйича январь, февраль ва март ойларидаги маълумотларни кўриб чиқамиз ва эҳтимол ҳаммани қониқтирадиган кўрсаткичларни топамиз”, деб таъкидлаб ўтди манба ва нефть ҳажми январдаги даражада музлатилиши мумкинлигини айтди.

17 апрелда Дохада ОПЕКка аъзо давлатлар вакиллари учрашуви бўлиб ўтади.