Мексикада Зика вирусига чалинганлар сони 160 нафарга етди. Бу ҳолат айниқса Мексиканинг жанубий минтақаларида кузатилмокда. Чьяпас штатида беморлар сони 82 нафар, қўшни Оахакада эса 59 нафарни ташкил этмокда. Бу ҳақида Лотин Америкаси соғлиқни сақлаш вазирлиги эпидемиология бош бошқармаси хабар берди.

Беморларнинг умумий аҳволи муқобил баҳоланмокда. Яқин кунларгача Зика инсоният учун у қадар хавфли ҳисобланмас эди. Шундай бўлса-да, 2015 йилнинг ноябрида Бразилия соғлиқни сақлаш вазирлиги аёллар ҳомиладорлиги вақтида шу вирус билан касалланса, туғилажак болада туғма нуқсон - микроцефалияни келтириб чиқариши мумкинлиги ҳақида огоҳлантирди. Бу эса ўз ўрнида боланинг ақлий жиҳатдан ноқобил бўлишига, эшитиш ва кўриш қобилиятларининг пасайишига олиб келади.

Жаҳон соғлиқни сақлаш ташкилоти 1 февральда Жанубий ва Шимолий Америкада Зика вирусининг авж олганини халқаро миқёсдаги тиббий вазият деб тан олди.