Ижтимоий тармоқ фойдаланувчилари Брюссель терактидан кейин Facebook’да «Хавфсизлик текшируви» функцияси жуда кечикиб ишга туширилганидан шикоят қилишмоқда. Бу ҳақда RTBF хабар берган.

Қайд этилишича, Париж теракти вақтида ижтимоий тармоқларда одамлар ўз яқинларининг қаердалигини билиш учун фейсбукнинг махсус хизматидан қулайлик билан фойдаланишганди.

Нашрнинг ёзишича, баъзи фойдаланувчилар бунда тарафкашлик аломатларини кўришган.

Функция ёқилганда, фойдаланувчининг ҳалокат ҳудудида жойлашган-жойлашмаганлиги аниқланади, кейин эса «Ҳаммаси жойидами?» деган сўров чиқади. Бунга фойдаланувчи «Мен хавфсиз жойдаман» деб жавоб бериши мумкин ва бу хабар унинг барча дўстларига жўнатилади, шунингдек саҳифадаги тасмада чоп этилади.

Брюсселнинг «Завентем» аэропортида 22 март, сешанба куни икки портлаш юз берди. Биринчи портлаш учиб кетиш залининг American Airlines’га тегишли қисмида юз берган. Аэропортдаги портлашлар туфайли 17 киши ҳалок бўлган. Кейинроқ шаҳар метросининг 3та бекатида 4та бомба портлаган ва 10дан ортиқ киши ҳалок бўлган.

ИШИД Брюсселдаги терактлар учун жавобгарликни ўз зиммасига олди