АҚШ президенти Барак Обама Кубага қарши киритилган эмбаргони бекор қилишга муваффақ бўлинишига ишончи комиллигини айтди, деб хабар берди Associated Press ахборот агентлиги.

“Ишончим комилки, эмбарго бекор қилинади, бироқ бу қачон содир бўлишини билмайман”, деб айтди Обама Гаванада берилган матбуот-анжуманда ҳамда эмбарго Куба халқи манфаатларига жавоб бермаслигини таъкидлади.

Обама эмбаргонинг қанчалик тез бекор қилиниши кўп жиҳатдан Гавана ва Вашингтоннинг инсон ҳуқуқлари каби масалалар бўйича ҳамкорлигига боғлиқ эканлигини таъкидлаб ўтди.  

Куба етакчиси Рауль Кастро Барак Обамани Кубадан кўпроқ чекловларни бекор қилишга чақирди.