Украина президенти Петро Порошенконинг маълум қилишича, расмий Киев Россияга Савченко учун 2 нафар россиялик асир Александров ва Ерофеевни қайтаришга тайёр. Бу ҳақда 112 Украина хабар тарқатган.

"Путин норманд форматидаги учрашув вақтида Надежда Савченкони қайтаришга ваъда берганди. Ваъдани бажариш вақти келди. Мен ўз навбатида Украина ҳудудига кириб, мамлакатга қарши қуролли ҳаракатларда иштирок этгани учун қўлга олинган 2 нафар россиялик ҳарбийни Россияга қайтаришга тайёрман", деган Порошенко.

Бундан олдинроқ, Ростовда суд Надежда Савченкони 22 йиллик қамоқ жазосига ҳукм қилгани ҳақида хабар берилганди.