2014 йил бошида Auchan Италияда ишга туширган Lillapois компанияси Россияда ҳам дрогери кўринишидаги чакана савдо тармоғини ишга туширади.

“Интерфакс”нинг хабарига кўра, ретейлер илк учта Lillapois дўконларини яқин ойларда очишни режалаштирган.

Lillapois дўконлари уй ва шахсий парвариш маҳсулотларига ихтисослашган. Lillapois Garnier, L`Oreal Paris, Pupa, I Provenzali каби компаниялар билан ҳамкорлик қилади.

Умумий даромади 53,5 миллиард евро атрофида ҳисобланган Auchan француз савдо тармоғи 16 мамлакатда тарқалган ва унинг 1657 савдо дўконлари бор.

Маълумот учун: дрогери – косметика, парфюмерия, шахсий гигиена воситалари, фармацевтик ва бошқа ноозиқ-овқат маҳсулотлари билан савдо қилувчи кичик атторчилик дўконлари.