Интернетда Хитой метросида содир бўлган зўравонлик саҳнаси акс этган видеоролик пайдо бўлди. Ўриндиқлардан бирида ўтириб олганча, писта чақиб ҳамда унинг қолдиғини ерга ташлаётган йигит унга насиҳат қилмоқчи бўлганларга қўрс жавоб қайтаради. Ҳатто сўкинади ҳам.

Шунда қаердандир “суперқаҳрамон” пайдо бўлади ва қўлидаги болға билан безорининг бошига бир неча бор туширади.

“Иккинчи сафар метрода писта чақма!”, — деб унга огоҳлантириш беради “суперқаҳрамон”.

Бу ишга полиция ҳам аралашади. Шунда воқеа ростдан эмас, ёлғондан қилингани, одамлар метрода ўзларини муносиб тутишлари учун икки дўст томонидан уюштирилгани маълум бўлди.