АҚШ президенти Барак Обама ва Куба етакчиси Рауль Кастро матбуот-анжуманида бир-бирларини тушунмаганликлари боис улар ўртасида қўл сиқишиш беўхшов чиқди, деб хабар бермоқда ABC телеканали.

АҚШ президенти ва Куба етакчиси ўртасидаги 88 йил ичидаги биринчи учрашув вақтида кўплаб камералар нигоҳи Обама ва Кастро ўртасида тарихий қўл сиқишувнинг юз бериши илинжида уларга қаратилган эди. Бироқ Обама ва Кастро бир-бирларини тушунмаганликлари сабабли қўл сиқишув беўхшов чиқди.

Бир тахминга кўра, Обама Кастрога қўлини чўзганда у унинг қўлини билагидан ушлаб олиб, ўзининг боши устидан гўёки ғалаба рамзи сифатида силкита бошлади. АҚШ президенти ҳам бунга эътироз билдирмай, қаршилик кўрсатмади.

Бошқа тахминга кўра, Обама Кастрони елкасига қоқиб қўймоқчи бўлганда, Кастро унга буни қилишига йўл қўймаган.

Обаманинг Кубага сафарининг ўзи ёқимсиз ҳолат билан бошланди. Баённомага кўра, Обамани аэропортда Куба етакчиси Рауль Кастронинг шахсан ўзи кутиб олиши керак эди, бироқ унинг ўрнига Обамани кутиб олгани аэродромга Куба ташқи ишлар вазири Бруно Родригес келган.