Arovia компанияси муҳандислари ажойиб ғояни илгари суришди. Бу 24 дйюмли портатив монитор бўлиб, у йиғилувчи конструкцияга эга ва ёнда олиб юриш учун мўлжалланган.

Гаджет SPUD номини олган бўлиб, соябонга ўхшаб очилади. Унинг ҳажми 190х142х56 мм, вазни эса атиги 680 граммни ташкил этади. Фаол ҳолатда SPUD 1280х720 пикселга эга проекцион панельга айланади.

Arovia SPUD HDMI ёки WiDi тизими орқали сигнал қабул қилади. Тайёр қурилма 4 соат мустақил равишда ишлашга етади. Унинг кутилаётган баҳоси - 300 доллар.