«Барселона» жамоаси ҳимоячиси Жерар Пике ўзига жамоанинг ашаддий рақиби «Реал»га қарши ўйинлар олдидан муҳитни қиздириш учун ҳаракатларни амалга ошириш ёқишини айтиб ўтди.

«Барселона» ва «Реал» рақобати бу жамоаларни янада буюклаштиради. Айнан шунинг учун менга вақт ўтган сайин бу рақобатни қиздириш учун оловга ёғ қуйиш ёқиб бормоқда.

«Барселона»нинг муваффақиятлари сири нимада деб сўрайсизми? Биз бир оиламиз.

Биз мағлубиятларни, ғалабаларни, саволларни, муаммоларни, хурсандчиликларни ва жароҳатларни биргаликда баҳам кўрамиз. Ва мен фақат футболчилар орасидаги муносабатни айтмаяпман. Бу жамоанинг барча вакилларига, мураббийлар, шифокорлар ва бошқа ходимларга ҳам тааллуқли», — дейди Пике.