«Вильярреал» - «Барселона» ўйини вақтида Месси томонидан йўлланган зарбадан кейин тўп келиб тегиши натижасида жабрланган аёл Ракел Тахуэло мезбонлар жамоасидан ташқари, «Реал» жамоаси мухлиси ҳам бўлиб, у ўзига жафо етказган «Барселона» ҳужумчиси Лионель Мессини жуда ёмон кўради.

«Мен «Реал» мухлисиман, Мессини аввал ҳам яхши кўрмасдим, энди уни янада кўпроқ ёмон кўраман. Ўша пайтда кўзимга қуёш тушиб турганди, лекин мен тўпни кўрдим ва зарбадан ҳимояланиш учун қўлимни чўздим. Дарҳол кучли зарбани ҳис қилдим. Тўп қўлимни иккига букиб қўйгандек тасаввур пайдо бўлди. «Барселона» вакиллари мен билан боғланишди ва ёрдам таклиф қилишди. Ўйлайманки, улардан «Барселона» - «Реал» ўйини учун чипта сўрайман», — дейди Тахуэло.

Эслатиб ўтамиз, Испания чемпионатининг 31-тури доирасидан ўрин олган «Барселона» ва «Реал» ўртасидаги ўйин 2 апрель куни каталонияликлар стадионида бўлиб ўтади.

Месси ўз зарбаси билан стадиондаги мухлисани беҳуш ҳолатга туширди

Месси “Реал” мухлисасининг қўлини синдириб қўйди