Узоқ вақт давом этган йирик тадқиқотлар доирасида буюк британиялик олимлар юқори миқдордаги даромад инсонни бахтли қила олмаслигини аниқлашди. Натижалар Personality and Social Psychology Bulletin журналида чоп этилди.

Ўн йил давомида тадқиқотчилар 140 минг нафар инсонлар орасида ўтказилган сўровномаларни таҳлил қилишди. Олимлар Европанинг йирик мамлакатлари – Германия ва Англия аҳолиси бўйича маълумотлар тўплашди. Иштирокчилар қуйидаги саволларга жавоб беришди: ҳаётингизнинг қайси лаҳзасида ўзингизни энг бахтли ҳис этгансиз ва унинг моддий бойлик билан алоқаси бўлганми?

Тўпланган маълумотларни ўрганиб чиқиб, олимлар ойлик маошининг ортиши кишини қисқа муддатгагина хурсанд қилиши мумкин деган хулосага келишди. Бундан ташқари, улар молиявий етишмовчилик даврида одамлар салбий ҳиссиётни бошдан ўтказишга мойилдир. Айрим иштирокчилар эса, ойлик маошининг қисқариши асаб тизимларига қаттиқ таъсир этгани, улар баджаҳл ва тажовузкор бўлиб қолганликларини айтиб ўтишди.

Аммо шунга қарамай, одамлар “Сизни нима кўпроқ бахтли қилади?” деган саволга улар ҳар доимгидек “оила, дўстлар ва болалар” деб жавоб беришди.