Миллиардер Алессандро Протога тегишли компания «Реал» футболчиси Криштиану Роналду устидан судга мурожаат қилганини маълум қилди.

Daily Mail нашри хабарига кўра, Роналду Нью-Йоркдаги нуфузли турар-жой даҳасидан 18,5 миллион долларга квартира сотиб олгани ҳақидаги маълумотни инкор қилган. Футболчининг вакиллари айрим шахслар Роналдунинг машҳурлигидан ўз манфаати йўлидан фойдаланганини таъкидлашган.

Proto Enterprises компанияси эса туҳмат ва ёлғон маълумот учун Роналдудан 10 миллион евро талаб қилган ҳолда, португалиялик футболчи устидан судга шикоят киритди.

«Туҳмат ва ёлғон маълумот учун Роналдунинг устидан шикоят берилди. АҚШдаги квартиранинг хариди рўйхатдан ўтказилганидан кейин биз бу ҳақида маълумот беришимиз керак эди. Квартира сотиб олинганидан кейин Криштиану уни Бадр Харига совға қилган», — дейилади баёнотда.

Қайд этиб ўтамиз, марокашлик кикбоксчи Бадр Хари португалиялик футболчининг дўсти ҳисобланади.

Криштиану Роналду Нью-Йоркнинг энг қимматбаҳо биносида 18,5 млн долларга квартира сотиб олди