Украиналик учувчи Надежда Савченко унга чиқарилган ҳукм кучга кириши билан сув ичмаслик билан норозилик эълон қилишни яна бошламоқчи. У бу ҳақда ўзининг фейсбукдаги саҳифасида ёзди.

Савченко, шунингдек, суд қарори устидан апелляция бермоқчи эмас.

“Россия суди 22 йил берди ва 30 минг рубллик (412 доллар) жаримага тортди. Суд ҳаками нохуш ҳолга тушмасдан, тарихга кириши мумкин эди. 10 кундан кейин ҳукм кучга киради. Мавжуд бўлмаган суд устидан апелляция бермайман. “Қуруқ” норозиликни 06.04.16 да қайта бошлайман”, деб ёзди Савченко.

Аввалроқ маълум қилинганидек, Савченко 2028 йилда муддатдан аввал шартли озод этилишга умид қилиши мумкин.