“Қувноқлар ва зукколар” кўрик-танловининг янги мавсум беллашувларига старт бериш мақсадида жорий йилнинг 6 апрель куни соат 15:00 ва 19:00 да “Истиқлол” санъат саройида “Қувноқлар ва зукколар” кўрик-танловининг янги мавсуми очилишига бағишланган “Сафимизга чорлаймиз!” деб номланган фестивали бўлиб ўтади.

Фестивалда Республикамизнинг энг сара жамоалари, жуладан, 2015 йилги мавсум чемпиони “Турон” жамоаси иштирок этади. Қолаверса миллий эстраданинг ёрқин юлдузлари ҳам ёшларга ҳақиқий байрамона кайфиятни улашишда ёрдам беришлари кўзда тутилган.

Маълумот ўрнида, “Қувноқлар ва зукколар” кўрик-танловининг саралаш беллашувлари (13 та беллашув) Тошкент шаҳри ва 7 та вилоятда, март-апрель ойларида, ярим финал беллашувлари (5 та беллашув) Тошкент шаҳри ва 3 та ҳудудда, май-июнь ойларида ўтказилади.

“Қувноқлар ва зукколар” кўрик-танловининг финал беллашуви Тошкент шаҳрида, ноябрь ойида “Ёшлар ҳафталиги” фестивали доирасида ташкил этилади.

“Қувноқлар ва зукколар” кўрик-танловининг бош координатори Умарбек Рамманкулов.