АҚШ Давлат котиби Жон Керри Россия ташқи ишлар вазири Сергей Лавровни ўтиб кетган туғилган куни билан табриклади.

“Мен ушбу вазиятдан фойдаланиб, сени туғилган кунинг билан табрикламоқчиман. Бу сана сенга ушбу музокараларни ўтказишда қўшимча донолик бағишлайди, деб умид қиламан. 39 ёш учун кўринишинг жуда яхши”, - деди Керри.

“Жон, рахмат, лекин агар донолик туғилган кунлар миқдори билан ўлчанса, сенга етиб олишим қийин”, - жавоб берди Лавров.

Делегация бу суҳбатни кулгу билан қарши олди, деб хабар беради РИА Новости.

Лавров 21 март куни 66 ёшга тўлди. Керри эса ўтган йилнинг охирида 72 ёшга кирган.