Бин Лодин оиласига тегишли компания нефть нархи пасайиши сабабли 30 млрд долларлик қарзга ботди

Жаҳон 24 Март 2016 421

Саудия Арабистони Saudi Bin Laden Group (SBG) қурилиш компанияси нефть нархи пасайиши оқибатида 30 млрд доллардан кўпроқ қарзга ботди, деб хабар бермоқда бу муаммодан хабардор банкирлар ва молиявий маслаҳатчиларга иқтибос келтирган ҳолда The Wall Street Journal нашри. Иккита кредиторнинг айтишича, компания бир қатор тўловлар бўйича дефолтга (қарзни тўлай олмаслик) йўл қўйди.

Манбаларнинг таъкидлашича, дефолтларга компания томонидан бажарилган ишларга Саудия Арабистони ҳукумати томонидан ўз вақтида пул тўланмагани сабаб бўлган. Компания бўлимларидан бирида таъкидланишича, бош компаниядан ярим йил давомида молиялаштириш олишмаган. Тўловларнинг кўп ойлик ушланиши пудратчилар ва етказиб берувчиларга ҳам ўз таъсирини кўрсатмоқда.

Февраль ойи охирида Маккада компания ишчиларининг оммавий норозилик намойишлари бўлиб ўтди, улар маошларнинг тўланмаётганига қарши чиқишган. Саудия Арабистони меҳнат вазирлигининг маълум қилишича, компания қонунга кўра жазолангани сабаб унга пул берилмаган.

Нашрнинг эслатишича, компания Саудия Арабистони раҳбарияти билан яқин алоқаларга эга бўлган ва шунинг эвазига, жумладан Макка ва Мадина шаҳарларини ободонлаштириш ҳамда йирик инфратузилмавий лойиҳаларни амалга ошириш учун кўп миллиардлик давлат буюртмаларини олган.

Компаниянинг қарзлари бу йирик лойиҳаларни молиялаштириш давомида йиғилиб қолган. Нашрнинг маълумотларига кўра, компанияга ҳам Саудия Арабистони, ҳам хорижий банклар кредит берган.

Ўтган ҳаж мавсумида ҳаж зиёратчилари устига қурилиш кранларидан бири тушиб кетган. Бунинг натижасида юзага келган саросима оқибатида юзлаб одамлар ҳалок бўлган. Нашрнинг таъкидлашича, шу сабабли Каъбатуллоҳ атрофида қурилиш ишларини олиб борган компания ва қироллик раҳбарияти ўртасидаги муносабатларга совуқчилик тушган. Оқибатда қирол Салмон компанияни янги лойиҳаларда иштирок этишдан четлатган ва компания раҳбарларига хорижга чиқишни тақиқлаб қўйган.

Компания оилавий компания бўлиб, ўзининг молиявий ҳисоботини чоп этмайди. Компания нашрга молиявий аҳволи ҳақида изоҳ беришдан бош тортган. Яқинда компания раҳбарияти билан учрашган нашрнинг икки манбасининг таъкидлашича, компания бошқаруви унинг бу муаммоларни енга олишига ишонишини айтган.

Нашр суҳбатдошларининг фикрича, ҳукумат компаниянинг касодга учрашига йўл қўйиши даргумон, чунки у Саудия тизимининг тарқибий қисми ҳисобланади. Маълумотларга кўра, компания ҳиссасига Саудия Арабистонида қурилиш соҳасидаги барча давлат буюртмаларининг 70 фоизи тўғри келади.

"Ал-Қоида" террорчилик гуруҳининг собиқ етакчиси Усама бин Лодин компания асосчисининг ўғилларидан бири бўлган, бироқ у ҳеч қачон компания фаолиятига алоқаси бўлмаган. Бироқ АҚШдаги 11 сентябрдаги терактдан кейин кўпчилик ҳалок бўлганларнинг яқинлари компанияга даъво аризаси беришган, бироқ улар рад этилган.

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 90155 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 44906 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 50538 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 8875 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 19719 Ўзбекистон
Шимолий Корея АҚШга беражак зарбаларини бир қатор сиёсий плакатларда тасвирлади
23:20 0 Жаҳон
Конте «Челси»га нима етишмаётгани ҳақида гапирди
22:59 510 Спорт
Шаҳзода Уильямнинг никоҳ тўйидаги тортнинг бир бўлаги сотувга қўйилди
22:52 840 Жамият
Видео: Дэвид Бекҳэм Pro Evolution Soccer 2018’да
22:47 599 Спорт
АҚШ ва Жанубий Корея август охирида ҳарбий машғулотлар ўктазади
22:35 451 Жаҳон
Кўпроқ янгиликлар