Брюсселнинг марказидаги майдонда 22 мартда шаҳарда бўлиб ўтган терактлар қурбонлари хотирасини ёд этиш учун одамлар тўпланмоқда.

Брюссель аҳолиси шамлар ва гуллар олиб келишмоқда ҳамда қурбонлар хотирасини бир дақиқалик сукут сақлаш билан ёд этишмоқда.

22 мартда Брюсселда 3 та – аэропортда иккита ва метрода битта портлаш содир этилди. Баъзи маълумотларга кўра, терактлар оқибатида 32 киши ҳалок бўлган, 270 киши жароҳат олган. Портлаш учун жавобгарликни ИШИД ўз зиммасига олган.