Америкалик актёр, 2016 йилги "Оскар" мукофоти соҳиби Леонардо ДиКаприо "Омон қолган" фильмининг Япониядаги тақдимотида иштирок этди.

"Оскар" лауреати маросимда мухлислар билан учрашган, бу вақтда мухлисларнинг бир нечаси айиқ кўринишидаги кийимларда бўлган. Улар актёрнинг узоқ кутилган мукофотини "айиқ ҳужумига учраган образи" эвазига қўлга киритганига шама қилишган.

Актёр Токиога 2 йил ичида илк марта келди. Матбуот анжумани вақтида у "Оскар"ни олиш фахр эканини, лекин кинога мукофотлар учун келмаганини" билдириб ўтган.

ДиКаприо шунингдек, бундан кейин ҳам янада муваффақиятли роллар ижро этмоқчилиги эканини айтган.