ИШИД террористик ташкилоти Европа ҳудудига янги терактлар уюштириш учун тайёрланган камида 400 нафар жангарисини юборган. Бу ҳақда Ироқ разведкаси ва бошқа манбаларига асосланиб, Ассошиэйтед пресс хабар тарқатди.

Жангарилар Ироқ ва Суриядаги ҳарбий базаларда тайёрланган ва улар ўзлари учун қулай жой танлаб, юклатилган вазифаларни бажариш топшириғини олган.

Жангарилар кичик гуруҳларга бўлинган ҳолда ҳаракатланиши айтилган. Агентликнинг ёзишича, Париж ва Брюсселдаги терактлар айнан шундай гуруҳларнинг иккитаси томонидан содир этилди.

Эслатиб ўтамиз, 22 март куни маҳаллий вақт билан соат 8:10да Брюссель аэропортида иккита портлаш содир этилди. Кўп ўтмасдан, Брюсселдаги метро бекатларида ҳам 3та теракт амалга оширилди. Сўнгги маълумотларга кўра, портлашлар оқибатида 31 киши ҳалок бўлган, 300га яқин киши жароҳатланган.

Теракт учун жавобгарликни ИШИД ўз зиммасига олган. Жангарилар бу хуруж Бельгиянинг Ироқ ва Сурияда халқаро коалиция таркибида ИШИДга қарши амалиётларда иштирок этгани учун содир этилганини билдиришган.

Европа марказида қонли теракт. Бельгия фожиаси. Онлайн