24 март куни кечки пайт Россия президенти Владимир Путин АҚШ Давлат котиби Жон Керри билан учрашади. Бу ҳақда россиялик раҳбарнинг матбуот котиби Дмитрий Песков хабар берди.

“Кун тартиби қатъий белгиланмаган. Табиийки, биринчи навбатда эътибор қаратиладиган мавзулар тўплами бор. Булар, албатта, Сурия масаласи ҳамда Минск келишувларини амалга ошириш ҳолати юзасидан фикрлар алмашинуви”, - деб учрашувга изоҳ берди Песков.

Путин охирги марта Керри билан 2015 йил декабрда учрашган. Президент АҚШ Давлат котибининг Сурия можаросини ҳал этиш борасидаги уринишларини мақтаган эди. Америка дипломатияси раҳбари ҳам, ўз ўрнида, Вашингтон Россияни дипломатик изоляция қилиш нияти йўқ эканини билдирган.