БМТ трибунали томонидан 40 йилга озодликдан маҳрум қилинган Серб Республикасининг биринчи президенти Радован Каражич бу қарор юзасидан апелляция бермоқчи.

Бу ҳақда собиқ Югославия бўйича халқаро трибунал ҳукм чиқаргандан кейин Каражичнинг адвокати маълум қилди, деб хабар берди Reuters ахборот агентлиги.

Аввалроқ БМТнинг Гаагадаги трибунали Каражични айбловнинг 11 бандидан 10 таси бўйича жавобгар деб топгани маълум қилинганди.

Трибунал, жумладан Каражични Сребреницадаги хунрезлик, Сараевани қамал қилиш ва Босния ва Герцеговина муниципалитетларида инсониятга қарши жиноятларнинг амалга оширилишида жавобгар деб топди.