Сурия ҳукумати армияси Пальмира шаҳри марказига кириб келди. Рейтер агентлигининг маҳаллий телеканалга асосланиб, хабар тарқатишича, ҳукумат аскарлари бу тарихий шаҳарнинг марказини эгаллаган.

Телеканалда ўтган йилнинг майидан буён ИШИД жангарилари қўлида бўлган шаҳар манзаралари кўрсатилган.

Бироз олдин, Сурия армияси 24 март, пайшанба куни Пальмирани қўлга киритишни ваъда қилгани ҳақида хабар берилганди.

Аввалроқ эса Сурия армияси бўлинмалари ўз-ўзини мудофаа қилиш халқ отрядлари ёрдамида Пальмира меъморий-тарихий мажмуаси жойлашган Тадмор шаҳри яқинидаги барча стратегик тепаликларни эгаллагани маълум қилинганди.