Хитой шимолида жойлашган шахтада содир бўлган авария оқибатида камида 19 кончи ҳалок бўлган. Бу ҳақда "Синьхуа" агентлиги хабар тарқатган.

Қайд этилишича шахтада 129 кончи ишлаётганди. Бу шахта Шанси вилояти ҳудудида жойлашган бўлиб, унда Shanxi Datong Coal Mine Group компанияси ходимлари фаолият кўрсатишади.

Ҳозирда кончиларни қидирув-қутқарув ишлари олиб борилмоқда.

Бундан олдинроқ, Хитой шимоли-шарқидаги кўмир шахталаридан бирида портлаш юз бериши оқибатида 12 киши ҳалок бўлгани ҳақида хабар берилганди.