2015 йил 29 декабрдаги “2016-2020 йиллар даврида қишлоқ хўжалигини янада ислоҳ қилиш ва ривожлантириш чора-тадбирлари тўғрисида”ги ҳукумат қарорига асосан мамлакатимиз ҳудудларида мева-сабзавот маҳсулотларини харид қилиш, сақлаш, бирламчи ишлов бериш, транспортировка қилиш ва экспортга ортиш ишларини амалга оширишга ихтисослашган 17 та Логистика марказларни ташкил этиш белгиланган.

Шу қарорга асосан жорий йилда тўртта логистика маркази ташкил этилади. Андижон, Наманган, Сурхондарё ва Қашқадарё вилоятларида бу борадаги ишлар бошлаб юборилган. Бу ҳақда пойтахтдаги Миллий матбуот марказида бўлиб ўтган “Ўзулгуржисавдоинвест” уюшмаси тизимидаги корхоналар фаолиятига бағишланган матбуот анжуманида маълум қилинган.

Аҳолининг истеъмол товарларига бўлган эҳтиёжини тўлароқ қондириш ва ички бозорни рақобатбардош моллар билан тўлдириш мақсадида улгуржи савдо базалар қошида ташкил этилган ишлаб чиқариш цехларда 2015 йил якунига кўра, жами 19 миллиард сўмликдан зиёд қолибли нон, макарон, унли қандолат маҳсулотлари, 2,5 миллиард сўмлик гўшт ва сут маҳсулотлари, 4 миллиард сўмлик полиэтилен маҳсулотлари, 1,5 сўмлик атир совун ва 2 миллиард сўмдан зиёд бошқа турдаги истеъмол маҳсулотлари ишлаб чиқарилган.

“Ўзулгуржисавдоинвест” уюшмасининг 2016 йилдаги комплекс чора-тадбирлар дастурига асосан, қўшимча 18 та мева-сабзавотларни қайта ишлаш цехлари, 7 та замонавий қолипли нон, қандолат ва макарон маҳсулотлар ишлаб чиқариш, 3 та сутни қайта ишлаш кичик цехлари ташкил этиш режалаштирилган.