Москва шаҳри шарафини ҳимоя қилувчи ЦСКА жамоаси аъзоси бўлган нигериялик футболчи Аҳмад Муса Нигерия терма жамоаси сардорлигидан четлатилган. Терма жамоа бош мураббийи Самсон Сиасиа "Челси" футболчиси Жон Оби Микелни сардор этиб тайинлашга қарор қилган. Бу ҳақда лондонликлар жамоаси сайтида маълум қилинган.

Сиасиа Нигерия терма жамоасига бироз муддат аввалроқ бош мураббий сифатида тайинланганди ва у тажрибалироқ футболчини сардор этиб тайинлашни маъқул кўрган.

Айни вақтда 28 ёшда бўлган Оби Микел Нигерия терма жамоаси сафида 72та ўйин ўтказган.