Эрон йил охиригача “Дусти” (“Дўстлик”) номли телекоммуникацион йўлдошини ишлаб чиқаришни режалаштирган. Бу ҳақда Эрон космик агентлиги раҳбари Муҳсин Баҳрамий маълум қилган.

Мамлакатнинг ахборот-коммуникацион вазирлиги миллий космик дастурни қайта тиклаш ҳақида қарор қабул қилди ва шу муносабат билан “Дусти” телекоммуникацион йўлдоши устида иш бошланишини маълум қилди.

Шунингдек, Муҳсин Баҳрамий Эрон ва “Олтилик” (БМТнинг 5та доимий вакили ҳамда Германия) ўртасидаги келишув бошқа давлатлар билан янада кенг қамровли ҳамкорлик қилишга йўл очишини қайд этиб ўтди. У бундай ҳамкорлик Эрон авиакосмик саноатининг ривожланиши ва модернизациялашишига хизмат қилишини таъкидлади.