Демократлар партиясидан президентликка даъвогар Ҳиллари Клинтон ва Ҳолливуд юлдузи Жорж Клуни билан бирга кечки овқатнинг нархи маълум қилинди.

"АҚШнинг собиқ давлат котиби ва актёр билан бирга овқатланиш учун иккита жойнинг баҳоси 353,4 минг доллар деб баҳоланди", деб хабар беради Politico нашри.

Оқшом 15 апрель куни Сан-Францискода тадбиркор Шервин Пишеварнинг уйида бўлиб ўтади. Зиёфатда Клуни билан бирга унинг турмуш ўртоғи Амаль Клуни ҳам иштирок этади.

16 апрель куни шу юлдузли таркиб билан Лос-Анжелесда яна бир маросим ўтказилади. Бу ердаги бир кишилик кечки овқатнинг нархи 33,4 минг доллар этиб белгиланган.

Эслатиб ўтамиз, бу тадбирлардан тушган маблағлар Клинтон сайлов жамғармаси ҳисобига ўтказилади.