25 мартда Бағдоднинг жанубида футбол стадионида содир этилган портлаш оқибатида 29 киши ҳалок бўлди. АР маълумотларига кўра, яна 60 га яқин киши жароҳатланган. Маҳаллий хизматларнинг маълум қилишича, портлашни худкуш амалга оширган.

ИШИД ҳужум учун жавобгарликни ўз зиммасига олган.

Ҳозирда воқеа жойида полиция ва қутқарув хизмати ходимлари иш олиб бормоқдалар.

Бу орада Сурияда ИШИД бошлиғининг ўнг қўли бўлган Абдулла Раҳмон Мустафа ал-Кадулий йўқ қилинди. У шунингдек Ҳожи Имом номи билан ҳам маълум бўлган.