АҚШ Давлат котиби Жон Керри ва Абу-Даби валиаҳд шаҳзодаси Муҳаммад ал-Наҳайян Москвадаги учрашувда Суриядаги вазиятни муҳокама қилишди. Бу ҳақда АҚШнинг Россиядаги элчихонаси вакили Уилл Стивенс твиттерда маълум қилди.

WAM агентлигининг аниқлашича, сиёсатчилар Суриядаги вазиятни сиёсий йўл билан тартибга солишда халқаро ва минтақавий даражада амалга оширилаётган саъй-ҳаракатларни муҳокама қилишган.

Улар, шунингдек, террорчиликка қарши халқаро коалициянинг иши давом эттирилиши муҳимлигини таъкидлаб ўтишган.