“Наврўз” нашриёти Тошкент шаҳрига асос солинганининг 2200 йиллиги шарафига чоп этилган “Тошкентнома” китобининг давоми сифатида “Тошкентнинг табаррук зиёратгоҳлари” номли китоб чоп этди.

Асар археологлар, қадимий меъморий иншоотлар бўйича етакчи мутахассислар, тарихчи ва манбашунос олимлар билан ҳамкорликда яратилди, деб хабар беради “Ўзбектуризм” компанияси матбуот-хизмати.

Яқин кунларда китобни рус ва инглиз тилларига таржима қилиш режалаштирилган.

Ушбу китобда 80 нафар тарихий шахслар – олимлар ва дин пешволари ҳаёти, фаолияти ва ижоди ҳақида ҳикоя қилинади. Жумладан, Занги ота, Каффал Шоший, Чўпон ота, Чилонзор ота каби шарафига мадрасалар, мақбаралар қурилган, Ўзбекистондаги маҳалла, туман ва кўча номлари аталган шахслар таржимаи ҳоли ва ҳаёт йўли тўғрисида маълумотлар берилади.